ILOILO City – Natalana nga makigsapol ang MORE Power Corporation kag Panay Electric Company (PECO) sa city council sa separado nga higayun.
Una nga sapulon sang city council ang MORE Power Corporation sa Noviembre 26, Lunes nga adlaw.
Kasunod ini sang pagpalapit sang ila president nga si Mr. Roel Castro kay Councilor Plaridel Nava kag naghingyo nga makigsapol sa konseho.
Bangud sini gintalana ang presentation sang more power sa sa city council basta magpadala sila sang letter request sa konseho.
Gusto nga mahibaluan sang konseho kun ano ang assurance sang MORE nga wala sang matabo nga power crisis kun sila ang mahatagan sang franchise kag indi marenew ang franchise sang PECO.
Samtang bangud ginbalabagan ni councilor Joshua Alim ang motion ni councilor Armand Parcon nga patambungon man ang PECO sa prersentation sang MORE power, nagdesisyon si Parcon nga himuon ang iya sinapol sa PECO sa Noviembre 29.
Pangayu-an ni Parcon sang paathag ang PECO kun ngaa madata ang brownout sa syudad sa nakaligad nga mga inadlaw.
IMT News Photo
