General Santos City— Padayon ang ginahimong imbestigasyon sa kapulisan human ang pagbusikad sa usa ka bomba sa entrance nga bahin sa South Seas Mall sa Cotabato City kaganihang ala una pasado ang takna sa hapon.
Sumala kang Police Chief Inspector Rowell Zafra, tigpamaba sa Cotabato City Police Office nga human ang pagbusikad, laing usa ka bomba ang narekober sulod mismo sa maong mall nga malampusong na-disrupt sa otoridad.
Subay sa imbestigsyon, ang narekober sa baggage counter sa ikaduhang andana sa maong mall ang kompleto na ug components ug posibleng pabuthon unsa mang orasa kung wala nakit-an sa otoridad.
Dugang pamaayag ni PCI Zafra nga nagpabilin pang walay ilahanan ang ga responsible sa maong krimen ug nangita pa sila ug mga CCTV footage nga maoy makatudlo sa mga suspek.
Sa karon naghulat pa sila sa resulta sa post blast invesigation nga ginahimo sa eod team ron masayran ung unsa nga matang sa ied ang gigamit ug kung adunay siganture ng maong bomba.
Sa insyal nga pagsuta, anaa matud pa sa onse ang naitalang samdan nga gipangdala sa balay tambalanan.
