LA CASTELLANA, NEGROS OCCIDENTAL – Napatay on the spot ang isa ka driver sang motorsiklo matapos ini ang nakabunggo sa isa pa gid ka motor kagab-i sa banwa sang national highway sang Brgy. Robles, bawa sang La Castellana.
Nakilala ang biktima nga napatay ginkilala kay Eduardo Hilogo, 54 anyos ang edad, kasado kag pumuluyo sang Had. Nahalinan, Brgy. Robles, La Castellana.
Samtang nasamaran naman ang driver sang isa pa ka motor nga ginkilala naman nga si George Sulana, 21 anyos ang edad, pumuluyo sang Had. Canlaon, Brgy. Sag-ang.
Suno sa pagpangusisa sang La Castellana Municipal Police Station nga may mga las 9:30 kagab-i, sa atubang sang isa ka kalan-an sa national highway sang Brgy. Robles, nagsugat-anay ang motorsiklo sang mga biktima bangud isa sa ila ang wala nakatalupangud nga may sugata ini.
Nahibaluan nga ang biktima nga napatay ang may angkas pa sa iya motor nga nakilala naman nga si Emilio Aloba, 52 anyos ang edad sang amo man nga lugar kon diin wala ini siya nasamaran sa amo nga aksidente.
Gilayon nga napatay si Hilogo bagud sang patal niya nga igo, samtang, gindala naman sa ospital si Sulana diri sa Bacolod kag padayon karon nga ginabulong./dyHB BACOLOD
