Davao City- On the spot patay ang driver sa motorsiklo human mibangga sa center island sa dihang mi-overtake sa usa ka forward truck sa Quezon Boulevard syudad sa Davao kaganihang kadlawon. Sa imbestigasyon sa kapolisan sa Sta.Ana, ang biktimang namatay mao si Cartlzon Cabrera, 28 anyos nagpuyo sa Purok 7, Barangay 39-D San Pedro Extension syudad sa Davao.
Base sa blotter sa Sta.Ana Police Station, alas 4:15 kaganihang kadlawon padulong South Bound ang motorsiklong gimaneho ni Cabrera ug mi-overtake kini sa maong truck nga gimaneho ni Ruel Granada, 46 anyos, minyo nga taga-NHA Bangkal syudad sa Davao, apan nasangit sa center island ang biktima hinungdang naguyod kini nga miresulta sa iyang kamatayon.
Patay’ng lawas sa biktima anaa na karon sa Angel Funeral Parlor samtang driver sa truck nga si Granada gipriso karon sa Sta.Ana Police Station.
Kasamang Don Pulayao
