By: Joanna Ricote
Patay ang usa ka motorista human kini mibangga sa usa ka trailer truck.
Ang biktima naila sa ngalan nga si Jason Virgel Casing, 23 anyos, nga taga Quezon Bukidnon.
Nasayran nga padulong sa sentro bahin sa syudad sa Cagayan de Oro ang biktima, dihang nag overtake kini sa kadungan ng motor, apan wala niini damha nga adunay ten wheeler truck nga gikan sa Coastal Road ang patabok padulong sa national highway.
Gumikan niini, mibangga ang gisakyang motor sa biktima nga si Jason Casing, nga maoy hginungdan sa iyang kamatayon.
Sa imbestigasyon sa kapulisan sa Agora Police Station, ang biktima sakay sa iyang Honda xrm nga motor ug adunay plate number nga 7017 ko, samtang ang ten wheeler truck ang gimanehoan sa usa ka Jose Billy Antipala, 46 anyos, nga taga San Luis, Malitbog Bukidnon.
Sa kasamtangan, detenado ang driver sa ten wheeler truck, ug possible nga mag-atubang kini sa kasong Reckless Imprudence Resulting to Homicide and Damage to Property.
