Motornapper patay matapos magbato.

Patay ang isa ka wala nakilal-an nga motornapper dire sa syudad sang Koronadal matapos nga nagbato sa mga otoridad.
Sa imbestigasyon sang Koronadal City PNP ginkuha sang suspek ang isa ka Baja nga motorsiklo nga nakaparking sa atubangan sang South Cotabato Provincial Hospital pasado alas dyes kagab-i, Hunyo 6, 2019
Samtang, sang nakita suno pa sang tag-iya nga ginkuha ang iya motorsiklo ginsundan niya ini kag gilayon nga ginreport sa mga katapo sang kapolisan ang insidente.
Nahibaluan nga may linagsanay pa nga natabo tungod imbes nga magsurender sang suspek ginluthang pa ang mga polis nga nagalagas sa iya rason nga napilitan man ang mga ini nga luthangon siya.
Nakaangkon naman sang igo sang bala sa iya paa kag likod ang suspek nga nangin tunaan sang iya kamatayon.
Narekober naman sa suspek ang isa ka revolver kag sling bag nga may sulod nga granada.
Sa subong padayon pa nga ginahibalo ang identity sang suspek.