Motorsiklo ag tricycle nagsunggaban, driver it motorsiklo patay

Balete, Aklan – Uwa eon makaabot pa nga buhi sa Aklan Provincial Hospital rong driver it motorsiklo matapos nga makasunggaban kara rong sangka tricycle sa Sitio Bangbang, Brgy. Calizo, Balete, Aklan.
Ro biktima nakilaea Nilo Veric, 47-anyos, residente it Sitio Libtong, Estancia, Kalibo ag empleyado it National Irrigation Administration (NIA) sa Capiz samtang rong driver it tricycle hay nakilaea kay Violinny Namayan, sa legal nga edad ag residente it Brgy. Linabuan Sur, Banga.
Sa report nga rayang biktima hay nagapauli eon halin sa Capiz ag pag abot sa natabuan kung aksidente hay nakasunggaban nana rong tricycle nga ginamaneho ni Namayan nga nagapaadto man sa Brgy. Lalab, Batan.
Ginasugid nga naka inum rong driver it tricycle tag matabo rong aksidente.
Nakaangkon mat-a it grabeng lastro rong biktima nga gintunaan ko anang kamatayon.
Sa makaron hay una sa paghinakop it Balete PNP rong driver it tricycle ag padayon pa man rong ginahimo nga imbestigasyon it Balete PNP.

mmmm.pptx