General Santos City- Usa ang patay samtang usab ang angol atol sa nahitabong disgrasya sa may kadalanan sa may Lagao Highway alas 10: 50 kagabii human nga nagsungag matud pa ang duha ka mga motorsiklo.
Samad sa mga nagkadaiyang parti sa kalawasan ang naangkon sa biktimang si Belmar Menton, 29 anyos residente sa dakbayan sa Gensan.
Samtang patay ang usa ka Alex Diaramila, 44 anyos nga taga San Jose Barangay Labangal ning syudad sa Gensan human nga makaangkon kini og samad og bun-og sa iyahang lawas.
Sumala pa sa inisyal nga imbestigasyon sa Traffic Management Unit āGensan nga tungod sa kakusog sa impact nagbangga ang duruha sa maong lugar.
Ginasuta usab sa kapulisan kung nakainom ba ang mga nasampit nga mga biktima samtang nagmaneho sa ilang mga motorsiklo.
