Motorsiklo nga halos usa ka bulan nang nawala, nakit-an ra sa tag-iya

Dako ang kalipay sa usa ka 19 anyos nga lalaki human nga makita kagahapong adlawa ang iyang motor nga hapit mag-bulan ng nawala.

Matud ni Hem Joseph Agad nga taga Bloomingdale Subdivision, Barangay Iponan ning syudad nga nawala ang iyang motor niadtong bulan sa Marso samtang gi-parking kini sa usa ka subdivision sa Barangay Bulua.

Dugang pa ni Agad nga dako na lang ang iyang kakurat kagahapon, dihang iyang nakit-an ang iyang motor nga gi-park unahan lang sa area kung asa kini nawala, hinungdan nga iyang gireport sa kapolisan.

Nasayran nga pila ka oras kini nga gihap-an sa kapolisan aron madakpan ang suspek apan wala na kini gibalikan.