Ibajay, Aklan – Patay rong driver ag kritikal rong back rider matapos nga sumunggab rong ginasakyang motorsiklo sa concrete fence kahapon it hapon sa Brgy. Colongcolong, Ibajay, Aklan.
Rong driver nakilaea kay Kevin Teodosio, 16-anyos ag residente it Brgy. Agbago samtang rong backrider nakilaea man kay Ishien Conanan, menor de edad ag residente it Bry. Laguinbanua sa nasambit nga banwa.
Base sa report it Ibajay PNP nga halin rong daywa sa Brgy. Colocolong ag paadto it Pobalcion tag matabo rong aksidente matapos nga mawad-an it kontrol rong driver.
Nakaangkon it fatal nga lastro sa ueo si Teodosio kung sa siin nahadaea pa raya sa hospital pero gin deklara nga dead on arrival.
Samtang si Conanan hay kritikal ag padayon nga ginabueong sa Intensive Care Unit (ICU) it sangka pribadong hospital.
