Manila, Philippines – Iinspeksyunin ng Movie and Television Review and Classification Board (MTRCB) ang mga pampasaherong bus at ibat-ibang mga bus terminals bilang paghahanda sa Semana Santa.
Simulang April 10 hanggang 11, mag-iikot ang mga MTRCB board members sa mga bus terminals sa Metro Manila.
Ang nasabing aktibidad ay isasagawa ilang araw bago ang inaasahang pagdagsa ng libu-libong mga pasahero na bibiyahe sa kani-kanilang mga probinsya.
Bukod sa pag-iinspeksyon, magkakaroon din ng information drive ng MTRCB upang masiguro na ang tanging General Audience (“G”) o Parental Guidance (“PG”) ang film classification na ipapalabas sa mga bus para hindi ma-expose ang mga batang pasahero sa mga materyal na hindi angkop sa kanilang edad.
Nation”
Facebook Comments
