Malay, Aklan – Arestado rong sangka musikero ag ro anang kaibahan sa ginpatigayon nga buy-bust operation kabii sa Sitio Cagban, Brgy. Manocmanoc, Boracay Island, Malay, Aklan.
Ro mga suspek hay nakilaea kanday Leonell Artes Daddie,34-anyos, ag Lemuel Carbonilla Bandayanan, tanan taga Davao City pero presente nga naga dayon sa Brgy. Manocmanoc sa nasambit nga isla.
Na recover sa possession ag kustodiya it mga suspek ro buy-bust money, sachets it suspected marijuana, drugs paraphernalia, passport ag iba pang personal nga kagamitan.
Ro nasambit nga operation hay ginpatigayon it Malay PNP Drug Enforcement Team, 2nd Aklan PMFC ag PDEA 6.
Si Daddie ag Bandayanan hay sa kustodiya eon it Malay PNP ag magapangatubang it kasong pagbayolar sa R.A. 9165 ukon Comprehensive Dangerous Drug Act of 2002.
(c) Malay PNP
