BACOLOD CITY, NEGROS OCCIDENTAL – Ginakilala sang mga muslim brothers sa Bacolod City kag Negros Occidental ang authority sang gobierno sa pagdeklarar sang Martial Law sa Mindanao.
Suno sa president sang Islamic Center sa Bacolod nga si Imam Yusof Fos nga gina respeto nila ang declaration ng Martial Law ni Pangulong Duterete apang nagapangabay ang mga ini nga wala sang may matabo nga pagpang abuso kag mabalik gilayon ang kalinong kag katawhayan sa Mindanao particular sa Marawi City.
Nagasalig si Fos nga tumanon sang gobierno ang pangako sini nga ila igarespeto ang human rights sa atubang sang pagkabalaka kag concern sang Muslim community sa Bacolod.
Nagapati ang muslim brothers nga ang nagakatabo karon sa Mindanao ang kabahin gid lamang sang ila mga challenges kadungan naman sa pagsaulog na nila sang Ramadan.
