ILOILO City – Wala nagapati ang muslim community sa siyudad sang Iloilo sa nagalagaw nga text message nga magalunsar sang pagpangbomba ang mga Muslim sa banwa sang Sara kon may malain nga matabu kay anay mayor Neptali “Tali” Salcedo.
Ini kasunod sang pag-raid sang kapulisan sa balay sang mga Salcedo sang nakaligad nga adlaw kon sa diin madamo sang mga armas ang narecover kag napatay sanday Ricky kag Nixon “TJ” Salcedo Jr.
Ginpahayag ni Sultan Jerry Macaya, spokesperson sang Muslim Community nga posible ginagamit lamang ang mga muslim nga tapalan sa plano nga pagpangbomba sang iban nga grupo.
Suno kay Macaya nga indi mahimo sang mga muslim sa Sara ang nasambit nga tikang bangud kaangay lamang nga kaugalingon man nila nga kabuhi ang ila pagahalitan .
RMN File Photo
