Kalibo, Aklan – Natigayon nga maaresto ko mga kapulisan kabii rong Top 5 most wanted it Aklan sa bahin it Samson Road, Caloocan, City.
Ro nasambit nga akusado hay nakilaea kay Chris de Felipe y Andrade alias “Dodoy”, 46-anyos, driver ag native it Brgy. Cawayan, New Washington, Aklan ag presente nga naga istar sa Brgy. 173, Camarin, Caloocan, City.
Gin aresto si Felipe ko gintingub nga pwersa it Aklan PPO Trackers Team, Southern CIDG, PIB, New Washington MPS ag 605th Maritime Group pinaagi sa bisa kung warrant of arrest sa kasong RAPE, nga may Criminal Case No. 11908 nga gin issue ko January 5, 2015 ag uwa it pyansa nga gintaeana rong korte, ag kasong SIMPLE SEDUCTION nga may Criminal Case No. 11909 nga gin issue ko November 5, 2014 tanan gin issue ni Hon. Judge Bienvenido P. Barrios Jr., RTC 6 Branch, Kalibo, Aklan.
P 12,000 rong piyansaa nga gintaeana it korte para sa kasong Simple Seduction.
Iga turn over man sa korteng natungdan ro nasambit nga akusado.
