Musubra sa tunga sa milyong mga smuggled nga mga sigarilyo, nakumpiska sa mga otoridad

Pagadian City – Nakumpiska sa mga otoridad ang nikantidad sa 660, 000 nga smuggled cigarettes gikan unum ka indibidwal sa Fish Port, Brgy. San Pedro, Pagadian City, Zamboanga del Sur Aalas 12:15 ang takna kagahapon sa kadlawon, May 18, 2022.
Gilangkoban kini, sa 8 ka kahon ug 250 ka reams sa fort cigarettes, 18 ka kahon sa champion cigarettes ug 13 ka kahon sa absolute cigarettes nga mga walay tax Stamps.
Ang unum ka indibidwal nga nasikop naila nga silang Rommel Hajirul Hajijul, 35-anyos, Alih Masbud Hakim, 45-anyos mga residente sa Brgy. Mampang, syudad sa Zamboanga.
Lakip na sila si Kumar Bakri Albain, 23-anyos, Samil Hajihil Kuddiya, 29-anyos, Una Albi Albain, 55-anyos, Ruslan Naora Ahari, 25-anyos, pulos mga minyo ug mga residente sa Purok 4, Brgy. Arena Blanco, sakop sa syudad sa Zamboanga.
Malampuson nga nakumpiska ang mga smuggled nga sigarilyo sa mga otoridad sa Pagadian City Police Station ug Bureau of Customs Police sa gikargahan niini nga nga usa ka unit sa blue fishing boat o mas naila nga “Bangka.
Sa pagbuhat ini nga balita, ang nakumpiska nga smuggled cigarettes ug ang gikargahan niini ang gidala sa Pagadian City Police Station lakip na ang mga suspek alang sa hustong dokumentasyon.
Facebook Comments