Myembro sa CAFGU nga taga- Lanao del Sur, nadakpan sa buy bust operation

24
Pagadian City – Dili na makasuot sa iyang uniporme ang usa ka myembro sa Special Cafgu Active Auxillary human kining nadakpan sa Drug Buy Bust Operation nga gikasa sa Station Drug Enforcement Team sa Pagadian City Police Station dihang dapita sa Purok Daru Salam, Barangay Santa Lucia niining syudad sa Pagadian alas 6:00 kagabii, January 12, 2022.
Naila ang dinakpan nga si Herson Clares Tormis, 31-anyos, minyo ug residente sa Barangay Malabang, Matling Lanao del Sur.
Gi-angkon sa dinakpan nga gikan sa probinsya sa Lanao ang dala niya nga droga nga mokantidad sa Php 1,836.00 nga ipakatag unta dinhi sa syudad.
Nakumpiska gikan sa posisyon sa dinakpan ang 4 ka pakete sa shabu ug usa ka 500 nga mark money.
Gipaslak na sa Pagadian City Police Station detention cell ang dinakpan nga mag-atubang sa kasong paglapas sa Akta Republika 9165 kun Comprehenaive Dangerous Drug Act of 2002.
Facebook Comments