Kapulisan sa Baungon, mipahimangnu sa katawhan batok sa text scams

17
Gipahimangnuan karon sa Baungon Municipal Police Station ang katawhan niini nga magmaigmat ug magbantay batok sa mga posibleng text scams.

Kini human nga aduna na usay nabiktima sa pagpangilad pinaagi sa text sa lungsod sa Baungon nga usa ka negosyante nga taga Barangay Lingating sa maong lungsod.

Sumala sa taho sa kapulisan, nga mipaila ang nagpadalag mensahe sa usa ka negosyante sa maong lungsod nga staff kini sa opisina ni Municipal Mayor Giovanni M. Dahino ug nangayu og load nga mikantidad og P7,000.00.

Human ang maong panghitabo, ipakuha lang kuno sumala pa sa munisipyo ang maong bayad nga layong giadtoan sa maong negosyante, apan napakyas kini tungod dili lehitimong trabahante sa munisipyo ang katawag sa biktima ug walay maskin usa nga trabahante sa munisipyo ang gisugo sa Mayor nga magpaload sa maong kantidad.

Kasamtangang gina imbistigahan sa kapulisan ang maong insidente samtang nagpahimangno ang Lokal nga Pangagamhanan nga mag maigmat ug alerto sa posibleng susumang panghitabo.

Giawhag nga sutaon una ang pagkailhanan sa katransakyon susama sa pangalan, designasyon, address, ug uban pang importanteng beripikasyon aron mahilikay sa maong insidente.

Facebook Comments