Isa na naman ka katapo sang Philippine National Police ang gintiro may mga las 11:45 kaina sang aga (Jun 24) sa sulod sang isa ka pawnshop sa Brgy. Poblacion, banwa sang San Enrique.
Suno sa blotter sang Sa Enrique Municipal Police Station, ang biktima ginkilala kay Police S/Sgt. Adan Bello, 42 anyos, kasado, residente sang La Carlota City kag naka assign sa Valladolid Municipal Police Station.
Samtang ang duha naman ka mga suspek nga nagasakay sa motorsiklo ang padayon pa nga ginahibalo sang utoridad.
Base sa imbestigasyon sang San Enrique MPS, ang biktima yara sa sulod sang Palawan Pawnshop kag sa iya pagkadto sa counter, didto na kag nagpalapit ang isa sa suspek kag gintiro ang biktima.
Na-recover sa crime scene ang apat ka basiyo sang calibre .45 nga pistola samtang narecover man ang service firearm sang biktima nga isa ka Glock 17.
Una gindala sa Valladolid District Hospital ang pulis apang sang ulihi ini siya ang ginsaylo sa isa ka bululngan diri sa ciudad sang Bacolod.
[image: image.png]
