Paagi sa social media nagkilalahay si Charlito Balasa, 25 anyos isa ka drayber sang Barangay Culahaw syudad sang Roxas, Capiz kag ang 24 anyos nga si Miraluna sang Barangay Prosperedad syudad sang San Carlos, Negros Occidental.
Nagdalum ang pagkilalahay sang duha sumugod nga ini sila ang nangin chatmate sang bulan sang Pebrero sini nga tuig kag nagdangat sa punto nga si Charlito kag Miraluna ang naghigugmaanay kag nagkit-anay sa lugar sang lalaki sa syudad sang Roxas kag nag-updanay sa masulod sang tatlo ka bulan.
Bangud sa seryoso nga handum ni Charlito para sa iya sini nga kahagugma nga si Miraluna, ini ang nagdesisyon kag nangita sang pamaagi para makasupot sang kwarta sa tuyo nga gusto niya ipakasalan kag i-lisensya sa ginikan sang babayi.
Matapos nga nakatipon sang kapin 13 ka libo ka pesos, ang duha ang nagdesisyon kag nagpauli sang September sa lugar ni Miraluna sa syudad sang San Carlos kag nagplano nga magpakasal sa bulan sang Disyembre sini nga tuig.
Apang sang Oktubre 2, nakibot na lang si Charlito sang naglakat si Miraluna nga wala naglisensya sa iya kag dala pa sini ang cellphone kag kwarta nga gintipon nga masobra sa 10 mil ka pesos para sa ila kuntani nga kasal.
Matapos nga ginpangita ang kahagugma kag nakabaton sang impormasyon sa pamilya sang babayi nga ini ang ikaduha na nga lalaki nga naintuan bangud may una nga lalaki nga kasubong man nga ginhimuan ni Miraluna, si Charlito ang nagdesisyon na gid lang nga magkadto sa Bacolod sa kwarta nga isa ka gatos ka pesos halin sa San Carlos kag nagtiner sa Bredco port halin Oktubre 4.
Sa gusto sini nga makabalik sa Roxas, sini nga adlaw si Charlito ang nagdangup sa DYHB kag ginbuligan para maka-pauli balik sa ila lugar.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
