Nakahatag sa alarma ug kahadlok sa mga estudyante ug magtutudlo sa Misamis Oriental General Comprehensive High School kon MOGCHS ang nadawat nga bomb threat.
Ang maong bomb threat ang nadawat mismo sa principal, pasado alas dose sa udto kagahapong adlawa.
Nasayran nga base sa nadawat nga text adunay mobuto ala una sa udto ug daghang estudyante ang mangamatay.
Tungod niini, dali nga gipaundang ang klase ug gipapauli ang mga estudyante ug magtutudlo aron ma-verify sa kapolisan ang maong report.
Sa gihimo nga imbestigasyon, nag-negatibo ang maong report apan padayon nga gi-imbestigahan kung kinsa ang indibidwal nga nagpadala og text sa principal.
Facebook Comments
