General Santos City–Nagpadayon pa ang gihimong imbistigasyon sa Police Station 2 kalabutan sa natigayong kaguliyang gumikan sa bangi sa luna sa Purok 7, Sto. Niño, barangay apopong, gensan ala 2:00 ang takna sa hapon kagahapong adlawa nga gikamatay sa usa ka biktima ug gikaangol sa upat ka mga indibidwal.
Giila ni Police Chief Inspector Ananias Vasquez, hepe sa Police Station 2 ang namatay nga usa Saidomia Amil, 20 anyos, nga residenti sa Barangay Apopong, Gensan ug usa ka Mando Koy Jamat, reisdenti gihapon sa nasangpit nga lugar.
Sumala sa opisyal nga ang mga namatay ug naangol ang apil sa mga misulod sa luna nga sumala pa gipanag-iyahan sa usa ka Cora Poral.
Kahinumduman nga una nang gidemolish sa nakalabayng simana ang mga nagpuyo sa lugar human nga nagpagawas ug kamanduan ang korte apan subli kining gisulod sa mga nasangpit nga misangko gyud sa kamatayon sa duha ka biktima ug pagkaangol sa laing tulo pa.
Nasayran nga duha ka mga dagkong sakyanan ang kalit miabot sa lugar ug misuway ug sulod sa luna maong nahitabo ang kumosyon.
Sa kasamtangan padayon pang ginasuta sa kapulisan kung kay kinsa nga grupo nag gikan ang una nga buto ug kung kinsa ang responsible nga nakapusil sa mga biktima.
