Target karon sa voters registration sa Commission on Elections ang nag-edad sa 18 anyos sa umalabot Mayo 11, 2020.
Gibutyag ni Comelec regional director Renato Magbutay nga lakip na niini ang mga miembro sa Sk nga magkinse hangtod desi siete anyos sa adlaw sa election.
Dugang pa ni Magbutay nga kadtong botante nga wala makabotar sa sunod sunod nga eleksyon, ang kinahanglang magpa-reactivate sa ilang registration aron subling makabotar.
Nasayran nga dili lamang registration ang ihatag nga serbisyo sa Comelec kon dili lakip na ang transfer of registration, reactivation ug correction of entry sa registration record.
Samtang alang niadtong buot magparehistro sa Comelec, magdala lamang sa bisan unsang klase sa ilang ID ug birth ceritificate.
Matud sa Comelec nga alang niadtong buot mo-transfer, kinahanglang nasayod kini sa iyang kanhi presinto aron dali lamang masusi sa ahensya, kung kini rehistrado ba o wala aron matagaan sa application for transfer ug sa buot magpa-reactivate kinahanglan lamang mo-apply for reactivation.
