VICTORIAS CITY – Imbes nga Happy New Year, sad New Year naman ang naagom sang pamilya ni Jowelyn Bastutin alyas Jojo, 41, sang Barrio Estado Proper, Barangay 10 Victorias City matapos ini siya ang gintiro kag ginbuno sang mag-utod samtang nagapangamusta sa iya pamilya kag abyan sa ila balay las 12 kaina sang kaagahon.
Sa interview sang dyHB sa asawa nga si Rhodelyn, antis pa man mag las 10, sakay sa ila nga motor ang tatlo upod na ang mag-utod nga Bon kag Angelito Esconde sang Barrio Tizon, Barangay 11, ila ginaguyod ang kaldero para magtunga sang gahod.
Natabuan man nga nagasinaot ang mga kabarangay ni Jojo sa dalan, kag bangod kay madasig ang padalagan sang tatlo, napuhag ang ila kinasadya kag naglinukso sa kalog sa diin ang biktima ang lapit lang mabungguan.
Ginsita naman naman ni Jojo ang isa sa mga suspek kag dyutayan lang nga nagsinumbaganay. Tubtob nga nagkalma ang tanan kag napgpauli ang tatlo.
Likom sa ihibalo ni Jojo, las 10 nagbalik ang mag-utod nagpanilag kilag.
Las 12 gid sang tungang gab-i sang ila nakit-an si Jojo nga nagapangamusta kag naga greet sang Happy New Year.
Wala na sang anuman nga tinaga nga nagkawas sa baba sang duha, ginbuno nila kag ginluthang nga gintunaan naman sang kamatayon ni Jojo.
Buno sa kilid ang naagom sang biktima kag igo sa likod nga ginhingagaw pa dala sa Victorias Ikaayong Lawas Foundation Hospital. At large naman ang mag-utod nga mga suspek.
