BACOLOD CITY – Ginsumbag sang hubog nga customer ang tag-iya sang isa ka restobar sa San Juan Street, Bacolod City sini gid lamang nga kaagahon.
Nakilala ang biktima nga si Gerald Castaño, 63 anyos ang edad, tag-iya sang Gerald’s Restobar sa dalan San Juan, Brgy. 12, Bacolod City.
Ginreklamo ni Castaño ang tatlo ka mga customer nga sanday Niel Jayson Parcon, 22 anyos ang Brgy. Mandalagan, Jande Labrador, 24 anyos ang edad kag Niel Bacatod, 24 anyos, lunsay pumuluyo sang Brgy. Pahanocoy.
Suno kay Castaño nga natabo ang insidente may mga las 12:15 sini gid lamang nga kaagahon kon diin naga-inom sang iya restobar ang tatlo, apang sanday Bactod kag Labrador ang nag-gwa nga wala pa nakabayad.
Ini ang rason kon ngaa ginlagas sila sang isa sa mga waiter gani nagbalik ang mga ini sa sulod.
Didto na kag nagluntad ang paglinalisay gani nagpalapit si Castaño agud mag-tambag apang ini siya ang nasumbagan sa apipingig ni Labrador.
Matapos sini, nagtuga na sang alarma kag eskandalo ang amo nga mga hubog customer rason ini sila ang ginpatawgan sang pulis./File photo of Gerald’s Restobar
