BACOLOD CITY – Nagpadulong sa estasyon sang pulis ang cashier sang isa ka iliman agud ireklamo ang isa ni ka customer nga nag-order sang ilimnon apang wala gali sang kwarta nga inugbayad.
Si Susana Lapag, 34 anyos ang edad, cashier sang Blue Nile Bar nga nahamtang sa Nueva St., Brgy. 11, Bacolod City ang nagpadulong sa Police Station agud ipa-blotter ang ila customer nga si Jovel Dolce, 51 anyos ang edad, kasado kag pumuluyo sang Purok Sambag, Brgy. Mandalagan, Bacolod City.
Suno kay Susana nga nagsulod sa ila bar ang amo nga lalaki kag nag-ratsada order sang ilimnon tubtub sang las 2 sini nga kaagahon.
Nagdangat sa kapin 1,500 pesos ang bill ni Jovel kag sang ini ang ginsukot na, 200 pesos gid lamang ang iya ginbayad kag nagsiling nga wala na ini sang kwarta.
Bangud sini, ginpa-pulis sang cashier ang customer kag detained ini karon sa custodial facility sang Police Station 1./dyHB BACOLOD
