Kalibo, Aklan – Arestado sa police operation rong sangka persona nga nagabaligya it mga peke kwarta kaina it agahon sa Brgy. Bakhaw Sur, Kalibo, Aklan.
Ro suspek nakilaea kay Jamar Magbanua, 32-anyos tubong Bacolod City ag presente nga naga istar sa nasambit nga lugar.
Suno kay PCInsp. Kenneth Pañisa, Deputy Chief of Police it Kalibo MPS, nga nakabaton sanda it reklamo angot sa pag-eapnaag it peke nga kwarta iya sa banwa it Kalibo ag angot operation it nasambit nga suspek.
Ginpaidaeom dayon raya sa surveillance ag kaina natigayon nga mabakean it daywa ka tig sang libo nga nagabalot it tig 300 kasa sang libo.
Na recover sa suspek rong kapin sa P147,000 nga pekeng tig sang libo ag rong marked money nga P600.00 pesos.
Nasayuran nga mag eowas sa naga operate imaw iya sa banwa it Kalibo hay may mga taga Capiz man nga naga adto kana iya para nga magbakae it mga pekeng kwarta.
Magapangatubang it kasong pagbayolar sa Article 168 it Revised Penal Code ukon Illegal possession and use of false treasury or bank notes.
