Nagapatrolya nga tropa sang militar sa Brgy. Ned, Lake Sebu, ginpalukpan sang ginapatihan miyembro sang MILF BIAF.

12

Ginpalukpan ang pwersa sang gobyerno sang ginapatihan grupo sang MILF BIAF sa Kisayan, Barangay Ned, Lake Sebu, South Cotabato, alas 8:20 kahapon sang aga, Pebrero 26, 2021.
Suno pa nagapatigayon sang regular combat clearing patrol sa nasambit nga lugar ang tropa ni Sgt. Rey O Dallapas (CE) PA upod ang syam ka mga miyembro sang CAA sang nakit-an ang nakabitay nga tarpaulin sang MILF BIAF nga may kalayuon nga more or less 200 meters sa ila nga nahamtangan.
May-angot sini, nagpadulong sila sa nahamtangan sang nasambit nga tarpaulin kag ginkakas ini. Apang sang magbiya na sila sa lugar ginpalukpan sila sang tatlo ka bes, apang wala nila nakit-an ang mga suspek sa lugar amo nagdesisyon ang mga ini nga magbalik sa Barangay Ned Proper.
Grupo naman suno pa ni Barrientos Biaw, Batallion Commander sa idalom sang Esmael Binago @ Bundi, Brigade Commander, 13th Biwang Brigade, Foreign Affairs, MILF BIAF ang nagpalupok suno pa sa tropa sang militar.
Wala naman sang casualty sa pwersa sang gobyerno.
Nabaton sang Lake Sebu MPS ang report alas 3:20 na sang hapon sa amo nga adlaw tungod sa mahina nga signal sa lugar.

Facebook Comments