Patay ang usa ka 26 anyos nga lalaki human nibangga sa trailer truck ang gimanehong motorsiklo sa Diversion Road, Kauswagan to Bayabas mga alas 2:20 kagahapon sa hapon.
Ang biktima mao si John Rick Juarez nga taga Punta Bonbon ning syudad.
Matud sa inahan sa biktima nga si Edna Juarez nga nakainom ang biktima sa dihang gihulaman ang motorsiklo nga gipanag-iyahan ni Jeff Kevin Hernandez.
Nasayran nga ang trailer truck paingon unta sa Barangay Puntod aron maghatud sa karga niini sa dihang mitabo kaniya ang motorsiklo nga paingon unta sa Barangay Bulua apan mipasok kini sa ilalom sa truck.
Ang trailer truck gimaneho sa 41 anyos nga si Fernando Alam nga taga El Salvador City, Misamis Oriental.
Facebook Comments
