Kalibo, Aklan — Nag-abot eon sa 37,959 ka kaso it dengue rong narecord sa bilog nga nasyon makarong dag-on base sa datos it Department of Health (DOH) halin January 01 hasta May 26, 2018.
Pero pitong porsyento raya nga mas manaba kumpara sa haeos 41,000 cases nga nai-rekord sa kaparehas nga buean ko 2017.
Nakarekord man it 195 nga namatay bangud sa dengue.
Kaabuan sa mga natamaan it kaso hay naga edad 10 hasta 14.
Ro National Capital Region (NCR) pa gihapon ro may pinakamaabong kaso nga may 6,493 sunod ro Calabarzon (6,296), Central Luzon (5,997), Northern Mindanao (2,540), Western Visayas (2,314), ag Central Visayas (2,241).
Facebook Comments
