Nagpa-breastfeed nga nanay napusilan sa Barangay Kapitan nga nisupak sa health protocol

53

Lake Sebu, South Cotabato – Samaron ang usa ka inahan nga nagpa-breastfeed sa iyahang gikugos nga anak human na-igo sa bala gikan sa loose firearms nga gipabuto sa usa ka barangay kapitan sa munisipyo sa Lake Sebu probinsya sa South Cotabato niaging sayo sa kahapunon.

Sa gihimong imbestigasyon sa Lake Sebu Municipal Police Station, giila ang suspek na si Rudy Tomas, hamtong ang edad og Barangay Captain sa Brgy. T’kunel sa nahisgutang munisipyo.

Samtang ang biktima, giila sa kapolisan nga si Gina Blakang Blunto, hamtong ang edad og residente sa Sitio Sepaka, Brgy. Tasiman.

Sumala pa, nag-party matod pa ang grupo ni Kapitan Tomas og iyahang mga kauban dala ang service vehicle sa barangay sa may Sepaka River Resort sa maong lugar bisan og gibawal tungod sa gipatuman nga Executive Order No. 57 sa South Cotabato mahitungod sa Covid-19 pandemic.

Nangahubog matod pa ang mga kauban ni Kapitan Tomas og didto nahitabo ang panagalalis rason nga mikuha og wala matino nga kalibre sa armas ang kapitan didto sa sakyahan sa barangay.

Gipabuto sa kapitan ang armas apan aksidenteng na-igo ang biktimang inahan og samdan sa iyahang walang bahin sa nawong samtang nagpa-breastfeed.

Gidala ang ginang sa Lake Sebu Health Complex apan gi-balhin sa South Cotabato Provincial Hospital alang sa medical treatment.




Samtang ang suspek mihawa sa crime scene sakay sa iyahang sakyanan.

Narekober sa kapolisan sa crime scene ang tulo ka empty shells sa caliber .45 pistol.

Gi-andam na karon sa kapolisan ang tukmang kaso nga ipasaka batok sa suspek ngadto sa piskalya.
Photo from the web for illustration only

For more info’s and updates, like and share our official facebook account: www.facebook.com/ifm91.9Gensanofficial/

#TatakRMN #IFMAngIdolKongFM #RMNnetworks #ReachingMillionsNationwide #RMNFoundation
[image: 10.jpg]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments