Yours Truly iFM October 14 Wednesday

11

*Yours Truly iFM*
*October 14, 2020*
*With iDol DJ Kat And iDol Bruno Banana*
*(Photo from web / No Copyright Infringement)*

Dear iFM,

Maayong hapon mga idol!
Tawga niyo lang ako kay Inday, single kag nagatrabaho bilang isa ka lady guard sa isa ka mall diri sa city.
Nagsugod ang problema ko mga idol sang may nakarelasyon ako nga ginpapati ako nga soltero siya pero may asawa na gali.
Ginkakibot ko gid mga idol sang isa ka adlaw, may babaye nga nagkadto sa akon sa mall kag ginbuyayaw ako kag ginpakahuy-an.
Ang masakit pa gid, gintawag niya ako nga kabet.
Asawa gali ato sang akon boyfriend. Sa kahuya ko mga idol nagdesisyon na lang ako nga magpa-reassign.
Ginbulagan ko man dayun ang akon karelasyon. Ang problema ko subong kay sige ako pahog sa text sang asawa sang akon ex.
Pirti gid kasakit sang ginhimo niya sa akon idol.
Wala gid ako mag-expect nga matuntohan. Kag ang masakit pa gid kay ginhatag ko ang tanan sa iya tungod ginpalangga ko siya sang sobra.
Ano ang maayo ko nga himuon mga idol?

Yours Truly,
Inday

*Tags**:Luzon,Visayas,Mindanao,Kandingmybangs, iFM Fans Club OFW Chapter, iFM iloilo*

Facebook Comments