Nagpangayo sang pasaylo ang Department of Social Welfare and Development ukon DSWD angut sa ginpanagtag nga mga pan-os nga mga food packs sa mga pumuluyo sang Boracay Island sa Malay, Aklan.
Ginpahayag ni DSWD region 6 Director Rebecca Geamala nga indi na masulit ang kasubong nga insidente.
Nahibaluan nga naglab-ot sa 2, 760 ka mga food packs ang ginpanagtag sang DSWD sa mga taga-Boracay sang nakaligad nga semana kon sa diin mga expired na ang mga de lata.
Subong man, gin-athag ni Geamala nga pito lamang ka food packs ang kontaminado kag ginbalik kon sa diin gilayon man nga gin-ilisan sang ila staff.
Ginapahayag nga natabu ang kontaminasyon sa tion sang handling kag hauling sang mga food packs bangud yara man sa maayo nga kondisyon ang mga ini sa tion sang packing kag sa pagkamatuod, September 2019 pa ang expiry date sang mga delata.
