Sa gihimong pag responde sa kapulisan sa lungsod sa Sindangan may kalabot sa illegal nga sabong o Tari-tari human nakadawat ug taho sa nagpakabanang lungsuranon, bugtong manok nalang ang ilang nasapon nga nagkumbati pa gihapon tungod kay nag santa-iya na ug panagan ang mga tawo padulong sa bukirong bahin.
Didto kini nahitabo sa Brgy. Mandih sakop sa lungsod sa Sindangan niadtong nakalabayng adlaw bandang 9:50AM kapin kun kulang.
Sa nahipos nga impormasyon sa kapulisan nasayran nga ang nagpasi-ugda sa illegal nga sabong gi organisa kini ni Caloy Estanel nga mao ang nagsilbing Coyme samtang si Cristito Padilla mao ang nagdala sa montonan.
Karong adlawa pormal kining pasakaan ug kaso sa PNP Sindangan tungod sa paglapas sa PD 1602 kun malutsan ug warrant ayha kini sikopon aron manubag sa kalapasan nga ilang nabuhat.
