Tatlo na ka tawo ang narekord nga patay sa rabis dire sa probinsya sang South Cotabato halin Enero tubtob Marso subong nga tuig sa diin ang mga biktima ang halin sa barangay Luhib sa banwa sang Lake Sebu, Lampari sang Banga kag Brgy. Tubeng sang Tupi.
Samtang base sa ila nga imbestigasyon suno kay John Codilla, Infectious Disease Program Coordinator sang Provincial Health Office sang South Cotabato naggwa nga wala nagpaidalom sa anti-rabies vaccination ang mga biktima kundi nagpatandok lang ang mga ini.
May-angot sini, iya ginapalab-ot sa mga pumuluyo ukon sa mga nakagat sang ido nga indi epektibo ang pagpatandok kag subong man pag-inom sang lana
Suno kay Codilla ang epektibo nga pamaagi nga mapunggan ang paglapta sang rabis sa lawas ang gilayon suno pa pagpaidalom sa anti-rabies vaccination sa mga Animal Bite and Treatment Center.
