General Santos City—igo nalang sa pagpatala sa buhatan sa Police Station 5 ang usa ka dalaga human kining gikawatan sulod sa compound sa Tropicana beach resort nga makaplagan sa Barangay Tambler Gensan, niadtong nakalabayng adlaw.
Biktima giilang si Jonalyn Moaña, 24, residenti sa Purok Olaer, Barangay Apopong, Gensan.
Base sa reklamo niini, alas 9:00 ang takna sa gabie samtang mitambong sa ilang reunion ang nasangpit nga biktima, iyang gibutang ang iyang bag sa ilang cottage, pag balik niini wagtang na nag iyang bag ug wala na gyud hikaplagi.
Iya pa kining gipangita apan wala na gyud makit-an pa. unod sa bag ang kwarta nga nagkantidad ug P13,000.00 ug mahalong Cellphone kantidad ug P20,000.00. Human wala makaplagan mireport gilayon ang biktima ngadto sa kapulisan.
