LA CARLOTA CITY, NEGROS OCCIDENTAL – Isa ang patay samtang duha ang nasamaran, isa diri ang menor de edad, matapos nga ini sila ang ginbuno sang wala makilala nga mga suspek kaina sang kagahon sa ciuadad sang La Carlota.
Nakilala ang biktima nga napatay nga amo si Winnie Sarona, 37 anyos ang edad, pumuluyo sang Bago City, samtang ang nasamaran naman amo sanday John Paul Balena, 19 anyos kag isa ka 15-anyos anyos, lunsay pumuluyo sang ciudad sang Bacolod.
Base sa imbestigasyon sang La Carlota PNP, pasado las 2 kaina sang kaagahon, ang mga biktima ang nagalakat padulong sa ila sini temporaryo nga fruit stand ukon “prutasahan” sang may nakita sila nga apat ka mga tawo nga naga tindog.
Ginpahayag nga nagpangayo pa sang “maayong aga” ang biktima nga si Winnie apang ini ang nagresulta sang pagbinaisay sa tunga sang iya grupo kag sang mga suspek.
Bangud sini, nagluntad ang komosyon kag ginbuno sang mga suspek ang biktima, si Winnie ang ginlaslas pa ang liog, si John Paul ang ginbuno gamit ang buka nga botilya samtang ang menor de edad ang ginbuno man sa dughan.
Ang mga biktima dali-dali nga gindala sa malapit nga ospital, apang si Winnie Sarona ang gindeclare dead on arrival.
Ang La Carlota City ang naghiwat sang iya highlights sang Pasalamat Festival kahapon, Abril 29. /dyHB BACOLOD
