Nagdesisyon ang Incident Management Team sang provincial government nga papulion na ang una nga batch sang mga Persons Under Monitoring (PUM) nga gin-quarantine sa Mambukal Resort sa banwa sang Murcia.
Ang una nga batch ang ginalakipan sang 84 ka mga Negrense nga nag-abot sa probinsiya sang Marso 19, matapos nga na-stranded sa Clark, Pampanga kasunod sang pag-suspend sang tanan nga land, air kag sea travel sa Luzon bangud sang COVID-19.
Sa interview sang DYHB kay Provincial Administrator Atty. Rayfrando Diaz, yara na sa maayo nga kondisyon ang mga ginkabig PUMs kag subong nga adlaw, ipangdul-ong na sang probinsiya ang mga ini, sa kun diin man sila nagapauli.
Samtang ang ikaduha nga batch nga nagikan naman sa Batangas, posible sa masunod pa nga adlaw, sila pagwaon sa Mambukal Resort.
[image: image.png]
