Report ni: Tita Jen Palomo Debaja
Naka skedyul sa Abril 27, 2018 ang pag papauli sang bangkay ni Mary Jane Respicio Jamon sa Pilipinas matapos nasapwan ini nga wala na sang kabuhi sa sulod sang banyo sa ginaubrahan nga balay samtang naga isahanon kag yara sa bakasyon ang mga amo sini.
Apang nagpahayag sang Abril 20 ang opisyal sang ATN kag OWWA section sang konsulado nga ginahulat pa ang miembro sang pamilya ni Mary Jane para maprocess ang repatration sang iya bangkay.
Base sa balita nga nabalhag sa The Sun, takna alas 4:15pm sang Abril 4, nakabaton sang tawag ang HK Police nga may isa ka 44 anyos nga OFW ang nasapwan nga nag collapse sa sulod sang banyo sa isa ka unit sa Cloud View Road, North Point HK kag gin certified dead at the scene sang responding medics ang nasambit nga biktima.
Gin classify ang kaso as “dead body found”. Base sa inisyal nga imbistigasyon sang Police Public Relations Bureau wala sang suspicious circumstances o foul play sa pagkamatay sang pinay.
Suno sa pahayag ni Alona Agustin, tiya sang napatay, nagtawag sang police ang tatay sang employer ni Maryjane matapos wala sang naga sabat sa cellphone sini pati na sa doorbell sang poluy-an kon sa diin nahibaluan naga isahanon ang biktima sang natabo ang pagkasapo sang iya bangkay sa sulod sang banyo kay yara sa bakasyon ang mga employer sini.
Dugang ni Agustin, nagapati ang imbistigador nga bag-o lang nakatapos gamit sang banyo ang biktima tungod wala pa ini na flush.
“Siguro nahilo siya kasi may lahi silang high blood,” pahayag ni Agustin.
Nahibaluan nga 6 na katuig nga nagaubra si Maryjane sa iya employer kag permi man ini gina trangkaso. Naka skedyul kuntani nga maupod si Maryjane sa iya mga abyan sa isa ka barbecue party pagka aga sang Abril 5.
Suno pa gid kay Agustin, may daku nga lagub sa agtang sang biktima, pinatak sang dugo kag nautod man ang isa ka ngipon sini sang gin tsek ni Alona ang bangkay sa Victoria Funeral Parlor sa Kennedy Town.
Iga patigayon ang public viewing sa bangkay ni Maryjane sa Abril 26 takna alas 2 asta alas 2:45 antis dal on pagka sunod nga adlaw sa airport agud ipapauli sa Barangay Sta Maria, Piddig, Isabela.
