CAUAYAN – Ara pa sa subong sa Sipalay City Infirmary ang isa ka mangingisda nga naigo man sang kilat las 4 pasado kaina sang hapon sa Sitio Sabang, Barangay Elijan.
Nakilala ang biktima kay Clemente Antipuesto, 55 anyos sang Barangay 2, Sipalay City.
Nagapangisda gid si Antipuesto sang nagpangilat sa diin naigo ini sa iya wala nga kamot kag nalipungan.
Ginrespondehan ini sang mga katapo sang Philippine Coastguard kag ginguyod nalang ang iya nga pumpboat.
Ginaobserbahan ini sa Infirmary kon bala kinahanglanon nga dal-on sa syudad sang Bacolod para sa nagakaigo nga pagbulong.
Facebook Comments
