Davao City – Nakuhaan og sumpak ug kutsilyo ang tulo ka mga lalaki human gilusad sa otoridad ang ‘Oplan Bakal Sita’ ala 1:30 sa kadlawun kagahapon sa Purok Sta. Cruz, Brgy. Mankilam, Tagum City.
Sa report gikan sa Police Regional Office kun PRO XI, giindorso sa 1st Davao del Norte Provincial Mobile Force Company ang mga lalaki ngadto sa Tagum City Police Station.
Giila sa otoridad ang mga dinakpan giila nga sila, Vergel Aposaga De Jesus, 24 anyos, nakumpiskahan og usa ka sumpak nga dunay bala sa .38 caliber ug usa ka kutsilyo, Sonnyboy Romero Nang, 24 anyos, ug alyas Ricky, 16 anyos parehong nakuhaan og tag-usa ka kutsilyo.
Gikatakdang pasakahan og kaso ang mga nasikop sa pagsupak sa RA 10591 kun Comprehensive Firearms and Ammunition Regulation Act.
RadyoMaN Renz Barbarona
