PONTEVEDRA, NEGROS OCCIDENTAL – Tatlo ka armas ang natigayon nga makuha sang mga utoridad sa isa ka suspek matapos ginserbe ang search warrant batuk sa iya kagab-i sa Brgy. 3, banwa sang Pontevedra.
Nakilala ang suspek nga si Jeremy Tragona, 34 anyos ang edad, solero kag pumuluyo sang Prk. Maravilla, Brgy. 3 sang amo nga banwa.
Ginpahayag nga may mga las 10 kagb-I sang nagpatigayon sang operasyon ang Pontevedra Municipal Police Station agud I serbe ang search warrant batuk kay Jeremy.
Nakuha sa posesyon sang suspek ang 2 ka improvised 12 gauge shotgun ukon sulpak, isa ka .38 caliber revolver kag 7 ka mga bala.
Kaso nga violation sang RA 10591 ang ginapreparar na nga igapasaka batuk kay Jeremy nga detained naman karon sa custodial facility sang Pontevedra Police Station./dyHB BACOLOD
