BACOLOD CITY – Ginbutang karon sa kustodiya sang police ang isa ka soltero matapos ini nadakpan nga nagpang shoplift sang gatas sa isa ka grocery store sa Hilado St., Brgy. 20, Bacolod City mga las 2:54 sini gid lamang nga hapon.
Ang suspek (ginahinago lang ang pangalan), 23 anyos ang edad kag pumuluyo sang Galo St., Brgy. 20 sining ciudad sang Bacolod.
Siya ang gindakup sang mga katapo sang Police Station 4 upod sa security guard sang KJ Fairmart matapos nga ini siya ang nadakpan sa akto nga nagkawat kag nagtuyo nga magbiya sa amo na balaligyaan nga wala nagbayad.
Nakuha sa suspek ang isa ka putos sang Bear Brand Milk Power ng 320 grams kag nagabalor sang 106 pesos.
Bangud sini, nagtawag sang pulis ang security guard nga si Janice Chavez kag ginpadakup ang suspek nga detained karon sa custodial facility sang Police Station 4./dyHB BACOLOD
