SAGAY CITY – Patay ang isa ka lalaki matapos nga malumos sa suba sa Sitio Nato, Barangay Maquiling, syudad sang Sagay.
Ang biktima ang ginkilala sa kay Janflex Sanchez, 18 anyus, residente sang Brgy. Poblacion 1, Sagay City.
Pasado alas-2 sang kahapon sang hapon sang naghinagaray nga magpaligo sa suba sanday Sanchez kag anum pa sini ka mga ka-abyanan.
Natabu ang insidente matapos nga ang isa nila ka upod nga babayi ang nagtabok sa pihak nga pang-pang apang sang yara sila nga duwa sa tunga-tunga sang suba, gulpi lang nga nag-sarurot ang biktima.
Bangud nga indi naman maka-balo nga mag-langoy ang babayi, iya naman nga gin-buyutan si Sanchez tubtob nga ini ang nalumos.
Nakaluwas naman ang ila upod nga babayi apang na-disgrasya naman si Janflex sa diin nadugayan pa ini sa idalum sang suba antis maglutaw ang iya lawas nga wala na sang kabuhi.
