Niabot na sa 22 ang namatay sa Corona Virus Disease o COVID-19 sa Cagayan de Oro City.
Kini human madugangan sa upat ka pasyente nga namatay sa virus sukad niadtong Sabado.
Atol sa press briefing sa city hall kagahapon, gibutyag ni Acting City Health Officer Dr. Lorraine Nery nga sa karon niabot na sa 582 ang kaso sa COVID-19 sa syudad kung asa 212 ang mga aktibong kaso ug 348 ang mga nimaayo na sa virus.
Samtang, naa usab sa 15 ka mga lugar sa Cagayan de Oro ang gipaubos karon sa focused containment o lockdown tungod sa natalang kaso sa maong mga lugar.
Facebook Comments
