Ya puede ya el maga pulis encontra con el nana del un Nuevo nacido bata mujer di quien cadaver ya recobri na embornal na Gov. Camins Avenue del Miercoles tarde.
Na report del pulis ta aparese despues lang de econtra con el bata, dayun el maga pulis ya anda na Zamboanga City Medical Center donde ta indica na “name tag” na pies del bata ta estipula donde le ya nace y quien su nana.
Na ward one del hospital ya encontra maga pulis con Elmae Panaman, el nana del bata donde ta esta pa este confined.
Nohay puede imbestiga el maga pulis con Elmae porcausa ta recopera pa este despues ya pari ala 1:42 del aga del Julio 24 na mencionao hospital.
Base tambien na record del hospital, muerto ya el bata cuando ya sale pero nohay idea el maga pulis si porque ya buta lang coneste na embornal.
Esperanzao ay bira otravez el maga pulis na hospital para saca palabra con el nana si cosa gayot ya pasa porque nohay dale decente entiero con el bata y possible ba planta caso conele na corte.
