Fake news ang mga nanggawas karon nga data sa ihap sa HIV cases sa Northern Mindanao region 10 ilabi na ang mga nanggawas sa social media.
Kini ang gibutyag ni Doctor David Mendoza Head sa Regional Epidemiology Surveillance & Disaster Response Unit sa Department of Health Region 10 tungod sa mikatag karon nga impormasyon hatud sa nakuha nga mga hospital waste sa kadagatan sa Lapu-Lapu City sa Sugbo niadtong miaging adlaw.
Matud ni Doctor Mendoza nga dili tinuod nga dili pwedeng mokaon og isda karong panahona tungod kay ang sakit nga HIV dili motakod pinaagi sa pagkaon lang og isda.
Dugang pa ni Doctor Mendoza nga adunay tulo ka pamaagi aron makuha sa tawo ang HIV nga sakit.
Una- unprotective sex sa usa ka HIV positive nga tawo, pinaagi sa anak, vaginal ug oral sex, ikaduha-blood to blood- sama sa organ transplant ug blood transfusion ug Ikatulo- mother to child- diin ang HIV puwedeng ipasa sa inahan sa bata.
Samtang moagi sa upat ka fluid ang sakit nga HIV aron mo-effective ang pagtapot niini sa usa ka indibidwal.
Matud ni ni Doctor David Mendoza- ang Regional Epidemiology sa Department of Health region10, kini nga mga fluid mao ang pag-agi sa dugo, sa tulos o sperm, vaginal fluid ug ang katapusan breast milk.
Dugang pa ni Doc. Mendoza nga tungod niini adunay lima ka pamaagi aron nga makontrol ang pagkatag sa impekisyon.
Una- paglikay sa pakighilawas Ikaduha- usa ra gyud ang partner or no more multiple sex Ikatulo- consistent ug sakto nga paggamit sa condom- nay sakit o wala kinahanglan nga mogamit og condom Ikaupat- ang dili paggamit og droga ug ikalima- education- kinahanglan nga matag indibidwal magbaton sa kahibalo aron nga dili matakdan sa nasangpit nga sakit.
