Nangipit og marijuana sa brief dakpan

3879

Davao City – Nadakpan ang usa ka Marchlene Angelou Salubre Donaldo, 26 anyos, ulitawo ug residente sa Calumpang General Santos City atol sa gilusad nga checkpoint operation sa awtoridad sa Sitio Licanan, Brgy. Lasang, Bunawan District, ning syudad.

Nakuha gikan sa suspek ang usa ka bundle sa 10 ka gramos sa dahon sa marijuana nga gibana-banaang mukantidad sa P2,000 diin kini iyang giipit sulod sa iyang brief.

Nasayran nga ang suspek sakay sa usa ka Public Utility Van (PUV) gikan syudad sa Tagum pasulod sa dakbayan sa Davao diin nahimong kadudahan ang lihok niini rason sa pagsuta pagmaayo sa awtoridad ug didto narekober ang marijuana.

Gikustodiya na sa Bunawan Police Station ang suspek ingon man ang mga narekober nga iligal nga droga.

RadyoMan Jason Amisola

Facebook Comments

From Advertisers