Gipasakaan na og illegal possession of firearms ug paglapas sa Republic Act o R-A 9262 o mas nailang Violence Against Women and their Children Act ang usa ka lalaking nagpabuto og armas niadtong Sabado sa Gingoog City.
Kini ang gibutyag ni Police Supt. Ariel Philip Pontillas, Chief of Police sa Gingoog City Police Station sa interview sa dxCC-RMN Cagayan de Oro.
Matud ni Pontillas nga gawas sa pagpabuto og armas, gikulata usab sa suspek nga si Arnel Semini Navarro, 49 anyos ug taga Purok 1, Barangay Lunao, Gingoog City ang iyang partner.
Mahinumduman nga nabawi sa kapulisan ang kalibre .45 armas nga gipabuto ni Navarro didto sa balay ni Elidios Atchuela nga taga Purok Rubia, Barangay Tagpako, Gingoog City.
Gidugang ni Pontillas nga gipriso na karon ang suspek sa Gingoog City Jail.
