General Santos City—Adunay stage 4 cancer ang 30 anyos nga babaye kansa gikonsiderang Person Under Investigation nga namatay sa ospital niadtong milabay nga adlaw dinhi sa Gensan.
Sumala pa ni Gensan City Mayor Ronnel Rivera nga sa dihang nadala kini sa usa ka pribado nga balay tambalanan ning syudad gikanayon matud pa sa attending physician niini nga ipailawom kini sa Person Under Investigation tungod sa sintomas niini nga maglisud ug ginhawa, bisan wala kini nalakip sa guidelines sa DOH nga kinahanglan adunay history of travel ug na expose sa mga pasyente nga nagpositibo sa COVID-19.
Samtang gikabutyag usab ni Mayor Rivera nga sukad giala sa ospital ang 30 anyos, ilang ginamonitor ang sitwasyon sa pasyente ug sa dihang nakabsan kini sa iyahang hinulamang kinabuhi gisunod nila ang protocol ug guidelines sa paglubong sa patayng lawas sa nasampit nga 30 anyos diin gi-cremate ang patay nga lawas niini.
Duna usay gihimong contact tracing ang panggamhanan sa uwahing mga naka-uban sa nahisgutan aron lang nga makasiguro.
Sa karon ginapaabot pa sa syudad nga ang resulta sa laboratory test sa nasampit sa una nang gipadala ngdto sa RITM. (Dave Silagan)
